Evrópusambandið er tilbúið í að útiloka flesta ferðamenn frá Bandaríkjunum, Rússlandi og tugum annarra landa sem talin eru áhættusöm vegna þess að þau hafa ekki náð stjórn á útbreiðslu kórónuveiru, að því er embættismenn innan Evrópusambandsins tjáðu New York Times í dag.
Sambandið er tilbúið í að taka ferðamönnum frá meira en tylft annarra landa, sem eru ekki aðframkomin af veirunni, opnum örmum þegar sambandið opnar aftur eftir mánaða langa lokun landamæra fyrsta júlí næstkomandi.
Kína kemst á listann yfir þau lönd sem Evrópusambandið er tilbúið í að taka við ferðamönnum frá en eingöngu ef Kína fellst á að taka á móti Evrópusambandsríkjum.
Aldrei hafa fleiri smitast af kórónuveirunni á einum degi í Bandaríkjunum en í gær. Þá greindust 40 þúsund smit. Þar áður hafði mesti daglegi fjöldi greindra smita verið 36.400, en það var hinn 24. apríl.