Ný öryggislög fyrir Hong Kong eru gengin í gegn og taka gildi á morgun, 1. júlí. Þetta herma heimildir BBC.
Lögin kveða á um bann við uppreisnaráróðri, landráði og sjálfstæðisumleitunum sjálfstjórnarhéraðsins, auk þess sem málfrelsi og réttur til mótmæla verður verulega skertur.
Óttast er að með lögunum sé réttarfarslegu sjálfstæði Hong Kong stefnt í hættu. Boris Johnson, forsætisráðherra Bretlands, hefur heitið því að bjóða hluta íbúa Hong Kong, eða 3 milljónum íbúa, breskan ríkisborgararétt, taki lögin gildi.