Bandarísk stjórnvöld hafa keypt upp allar birgðir af lyfinu remdesivir næstu þrjá mánuði og verður lyfið ófáanlegt fyrir aðrar þjóðir. Remdesivir var framleitt gegn lifrarbólgu C og hefur verið notað gegn ebólu, en það hefur einnig reynst vel gegn kórónuveirunni.

Frétt af mbl.is

Fauci: Tilfelli gætu orðið 100.000 daglega

Bandaríkin hafa keypt rúmlega hálfa milljón skammta af lyfinu frá bandaríska lyfjaframleiðandanum Gilead, en það er öll framleiðsla lyfsins í júlí og 90% framleiðslu þess í ágúst og september, að því er fram kemur í frétt Guardian sem greinir frá málinu.

Heilbrigðisyfirvöld segja faraldurinn orðinn nánast stjórnlausan í landinu, en í gær höfðu fleiri en 46 þúsund greins með kórónuveiruna á einum sólarhring, sem var nýtt met daglegra tilfella, en Ant­hony Fauci, sem leiðir sótt­varnateymi Hvíta húss­ins, hefur varað við því að 100 þúsund tilfelli gætu farið að greinast í Bandaríkjunum daglega.

Frétt af mbl.is

„Með því jákvæðasta sem við höfum séð“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt