Kína leiðir kapphlaupið um bóluefni

Kína leiðir nú kapphlaupið um bóluefni gegn kórónuveirunni. Eru tilraunir með bóluefni lyfjafyrirtækisins Sinovac Biotech nú komnar á fullt. Tilraunirnar eru á lokastigi, en fyrirtækið er þriðja sinnar tegundar til að komast á síðasta stig rannsókna með bóluefni gegn veirunni. 

Í Kína hefur ríkið, í samvinnu við einkageirann og herinn, unnið hörðum höndum að því að ná tökum á veirunni. Veiran hefur orðið rétt um 500 þúsund manns að bana, þar af rétt um 90 þúsund í Kína. Þróun bóluefnis þar í landi hefur gengið mjög hratt og er í raun langt á undan áætlun. 

Í ljósi þess að vel hefur tekist að ná stjórn á faraldrinum í Kína eru mjög fáir sjúklingar nú smitaðir af veirunni. Mun það gera framangreindu fyrirtæki eilítið erfitt fyrir í tilraunum. Ljóst er að áskoranir bíða Kínverja við þróun bóluefnis, en vonir eru bundnar við að það verði tilbúið fyrir lok árs.  

• Blogga um frétt