Einn lét lífið og fjórir slösuðust þegar byggingarkrani hrundi á íbúðarhús í austurhluta Lundúna. Kraninn, sem var 20 metrar á hæð, lenti á tveimur húsum og á byggingarsvæði.
Í fyrstu fundu viðbragðsaðilar fjóra slasaða, þar af höfðu tveir slasast á höfði, og var farið með þá á sjúkrahús. Í kjölfarið fannst hinn látni.
„Því miður, þrátt fyrir björgunartilraunir, fundum við fimmta aðilann á vettvangi og er hann látinn. Hugur okkar er hjá fjölskyldu hins látna á þessum erfiðu tímum,“ sagði í yfirlýsingu frá yfirvöldum.
Ekki er vitað hvað olli því að kraninn hrundi en teymi sérfræðinga hafa verið send á vettvang til að rannsaka það og koma í veg fyrir frekari skemmdir eða hrun bygginga.