Ghislaine Maxwell, fyrr­ver­andi kær­asta og sam­starfs­kona barn­aníðings­ins Jef­frey Ep­stein, neitaði öllum sakargiftum fyrir dómi í dag. Maxwell er sökuð um að hafa tekið þátt í brotum Epsteins. Hún hefur setið í gæsluvarðhaldi síðan í byrjun júlí og hefur alltaf haldið sakleysi sínu fram. 

Maxwell er gefið að sök að hafa aðstoðað Epstein við að lokka ólögráða stúlkur á heimili þeirra þar sem hann hafi svo misnotað þær. Þá er hún einnig sökuð um að hafa tekið þátt í hluta af misnotkuninni. 

Frétt af mbl.is

„Engin réttarhöld“ ef Maxwell flýr

Enn óljóst hvað verður með varðhald

Maxwell er 58 ára gömul og af breskum ættum. Hún var handtekin annan júlí síðastliðinn í stórhýsi sínu í Nýju Hampshire. 

Réttarhöld yfir henni fara fram 21. júlí á 2021 og er viðbúið að þau muni taka þrjár vikur. 

Eins og mbl.is greindi frá í gær hvöttu saksóknarar dómara til að framlengja gæsluvarðhald yfir Maxwell sem hefur óskað þess að henni verði leyft að yfirgefa fangelsið sem hún nú situr í og fara heldur í stofufangelsi. Saksóknarar sögðu mikla hættu á því að Maxwell myndi flýja enda á hún þrjú vegabréf og meira en tuttugu milljónir bandaríkjadala á nokkrum bankareikningum, þar á meðal erlendum bankareikningum. 

Lögmenn Maxwell hafa þrýst á að henni verði sleppt gegn tryggingu og sagt að ekki sé hætta á því að hún flýi þrátt fyrir að hún hafi falið sig frá því að mál Epsteins kom upp á yfirborðið og fram að handtöku. Hún hafi verið að fela sig fyrir fjölmiðlum, ekki lögreglu. 

Dómari mun skera úr um varðhald síðar. 

Frétt New York Post

Tengdar fréttir

Jeffrey Epstein

„Þessar upptökur eru til“

• Prinsinn passaði ekki í baðkarið
• Minnst á kynlífsupptökur af Clinton og Andrési
• Bretaprinsinn var „vikum saman“ hjá Epstein
• Andrés prins sagður í kynsvalli með ungum stúlkum

» Fleiri tengdar fréttir

• Blogga um frétt