23 af 30 skipverjum á rússneska togaranum AK-0749 Karelia hafa greinst með kórónuveiruna. Virk smit í Færeyjum er því orðin 26, en þrír erlendir ferðamenn greindust með veiruna fyrr í vikunni. 

Frétt af mbl.is

Á þriðja tug í sóttkví í Færeyjum

Samkvæmt færeyska miðlinum Local var hluti áhafnarinnar skimaður á föstudag eftir að einn skipverji greindist með veiruna á sjúkrahúsi í Klaksvík, en hann hafði verið lagður inn vegna gruns um lungnabólgu. 

Togarinn var í höfn í Klaksvík en hefur nú verið fluttur til Fuglafjarðar. Áhöfnin hefur fengið þær leiðbeiningar að halda kyrru fyrir um borð í skipinu sem fer úr höfn á morgun. Tveir skipverjar eru á sjúkrahúsi. 

Talið er að alls átta heimamenn í Færeyjum hafi átt samskipti við smituðu skipverjana áður en þeir greindust. Þeir hafa allir verið settir í sóttkví. Þá hafa færeysk stjórnvöld gert yfirvöldum í Rússlandi viðvart. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Hvur þremillinn...