Yfir 60 þúsund smit fimmta daginn í röð
Setja bókamerki
Alls voru staðfest 61.262 ný smit í Bandaríkjunum síðasta sólarhringinn og er þetta fimmti dagurinn í röð þar sem ný smit eru yfir 60 þúsund talsins samkvæmt talningu Johns Hopkins-háskólans. Dauðsföllin eru yfir þúsund talsins síðasta sólarhringinn en yfir 154.300 manns eru látnir í Bandaríkjunum af völdum kórónuveirunnar. Yfir 4,6 milljónir smita hafa verið staðfest í Bandaríkjunum.
Á sama tíma undirbúa íbúar Flórída sig fyrir komu hitabeltisstormsins Isaias en von er á að hann verði orðinn að fellibyl áður en hann kemur að landi. Aðeins í Kaliforníu eru COVID-19 smitin fleiri en í Flórída en íbúar Kaliforníu eru tæplega tvöfalt fleiri en í Flórída. Í gær var tilkynnt um 179 ný dauðsföll í Flórída og alls eru dauðsföllin þar orðin 6.843 talsins.
Børsen brennur á afmæli drottningar
Danir í áfalli yfir brunanum
„Ef það er einhver einn lærdómur...“
„Erum á stað sem við höfum ekki séð áður“
„Sárt að horfa upp á þetta“
Íranar hafi vísvitandi gætt hófs
Gleymir seint deginum sem skriðurnar féllu