Sjúkrahús í Beirút hafa neyðst til að vísa særðum frá vegna þess að þau eru yfirfull í kjölfar sprenginga sem urðu í borginni um miðjan daginn í dag. Að minnsta kosti 25 eru látin og á þriðja þúsund slösuð.

Yfirmaður Rauða krossins í Líbanon sagðist í samtali við þarlenda fjölmiðla telja að mörg hundruð hefðu slasast í sprengingunum. 

AFP

Líbanskir sjónarvottar hafa greint frá því í samtali við þarlenda fjölmiðla að tugir látinna væru á vettvangi.

Frétt af mbl.is

Tíu látnir eftir sprengingarnar

Abbas Ibrahim, yfirmaður almannavarna í Líbanon, sagði líklegustu skýringuna á sprengingunum þá að eldur hafi borist í vöruskemmu þar sem sprengiefni sem gert hafði verið upptækt var geymt. Líklegast hafi verið um að ræða natríumnítrat.

Ibrahim bætti því enn fremur við að rannsókn á sprengingunum hæfist þegar í stað.

Fréttin hefur verið uppfærð.

AFP

Tengdar fréttir

Sprengingar í Beirút

Sameinuð eftir sprenginguna í Beirút

• Aðstandendur gagnrýna Sameinuðu þjóðirnar
• Enn að jafna sig eftir áfallið
• 500 tonn af áburði ollu sprengingunni í Beirút
• Berjast við mikinn eld í Beirút

» Fleiri tengdar fréttir

• Blogga um frétt