Sprengiefnið í vöruskemmu eftir gjaldþrot
Setja bókamerki
Hafnarstjórar í Beirút í Líbanon hafa verið settir í stofufangelsi eftir að tvær stórar sprengingar urðu í borginni síðdegis í gær. Að minnsta kosti 135 létust og meira en 4.000 slösuðust.
Sprengiefnið, um 2.700 tonn af ammóníum-nítrati, hafði verið í vöruskemmu við höfnina frá árinu 2013 eftir gjaldþrot útgerðar.
Yfirmaður líbanska tollstjóraembættisins, Badri Daher, sagði að hans menn hefðu óskað eftir því að efnið yrði fjarlægt, án árangurs. Hann sagði að efnið hefði ekki átt að vera þarna og hefði í raun aldrei átt að vera komið fyrir þar sem það var.
Ammóníum-nítrat er notað í landbúnaði en er sprengifimt og því oft notað af misindismönnum til sprengjugerðar.
Michel Aoun, forseti landsins, hefur lýst yfir tveggja vikna neyðarástandi og þriggja daga þjóðarsorg.
Árshátíð ríkislögreglustjóra haldin í Tékklandi
Gígbarmurinn hækkað frá því í gær
„Umsátursástand“
Skemmtiferðaskip hætt komið nærri Viðey
„Það þarf að vinna mikinn fjölda upp“
Banna mengandi búnað sem leyfður er á Íslandi
Tveir í bílnum sem lenti utan vegar
Veiting hvalveiðileyfis ekki brot á EES-samningi