Til átaka kom milli mótmælenda og öryggissveita í Beirút í gærkvöldi. Lögregluþjónar beittu táragasi á fjölda fólks sem mótmælti yfirvöldum nærri líbanska þinginu.
Mótmælin má reka til tveggja gríðarstórra sprenginga sem urðu í höfuðborginni á þriðjudag, en 2.750 tonn af ammóníum-nítrati, sem hafði verið geymt á ófullnægjandi hátt frá árinu 2013, olli sprengingunni.
Margir íbúar Líbanon hafa kennt vanrækslu yfirvalda um sprengingarnar, sem ollu dauða að minnsta kosti 137 manns og særðu 5.000.