Minnst 43 eru látnir, þeirra á meðal þrjú börn, eftir að aurskriða féll á húsþyrpingu í indverska héraðinu Kerala á laugardag.
Fjölda er enn saknað og viðbúið er að tala látinni eigi áfram eftir að hækka.
Fram kemur á CNN að aurskriðan hafi fallið á húsþyrpingu starfsmanna sem unnu á plantekru fyrir te-rækt. Mikill skaði varð á húsnæði í þyrpingunni og 11 voru fluttir á sjúkrahús.
Yfir 500 björgunaraðilar reyna nú að ná fólki úr húsarústum á svæðinu, en gríðarleg rigning hefur verið á svæðinu undanfarið.