Forseti Bandaríkjanna, Donald Trump, er með til skoðunar að setja nýjar reglur sem heimila landamæravörðum að banna bandarískum ríkisborgurum og þeim sem eru með landvistarleyfi í Bandaríkjunum að koma til landsins erlendis frá ef talið er mögulegt að viðkomandi sé smitaður af kórónuveirunni. Þetta kemur fram í frétt New York Times.

Undanfarna mánuði hefur Trump hert reglur varðandi komur fólks til Bandaríkjanna og vísað þar í hættuna á að kórónuveiran komi frá áhættustöðum í heiminum. Hingað til hafa þessar reglur ekki gilt um bandaríska ríkisborgara sem eru að koma erlendis frá eða þá sem eru með dvalarleyfi í Bandaríkjunum. 

Nú liggur fyrir frumvarp sem heimilar yfirvöldum að herða þessar reglur og hafa alríkisstofnanir fengið það til umsagnar. Ekki er talið að það liggi fyrir fyrr en síðar í dag hvort þær leggist gegn frumvarpinu. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt