ESB viðurkennir ekki kjör Lúkasjenkós
Setja bókamerki
Evrópusambandið (ESB) viðurkennir ekki úrslit forsetakosninganna í Hvíta-Rússlandi. Þetta tilkynnti Angela Merkel, kanslari Þýskalands rétt í þessu, og bætti því við að kosningarnar umdeildu væru hvorki „frjálsar né sanngjarnar“. ESB mun brátt tilkynna um refsiaðgerðir sem beinast að nokkuð stórum hópi fólks sem er sagt standa að baki kosningasvindli og tilraunum til að þagga niður í mótmælendum með ofbeldisfullum hætti.
„Fyrir okkur er enginn vafi á því að reglur voru brotnar í kosningunum,“ sagði Merkel fréttamönnum í Berlín eftir neyðarfjarfund með leiðtogum innan ESB.
„Kosningarnar voru hvorki frjálsar né sanngjarnar og það er þess vegna sem við viðurkennum ekki úrslit kosninganna. Við stöndum með friðsælum mótmælendum.“
Alexander Lúkasjenkó bar sigur úr býtum í kosningunum en hann er sagður hafa falsað niðurstöður kosninganna. Svetlana Tikhanavskaya, mótframbjóðandi hans, varð fyrir ofsóknum í aðdraganda og kjölfar kosninganna og þurfti að flýja land. Hún hefur boðist til þess að taka við stjórn landsins þar til aðrar kosningar verði haldnar.
„Þangað til þið drepið mig verða engar aðrar kosningar“
Lúkasjenkó er þó ekki á þeim buxunum en hann tilkynnti um helgina að hann myndi ekki stíga til hliðar, né myndi hann leyfa öðrum kosningum að fara fram. Í verksmiðjuheimsókn á sunnudag sagði forsetinn: „Við héldum kosningarnar. Þangað til þið drepið mig verða engar aðrar kosningar.“
Tugþúsundir hafa mótmælt niðurstöðum kosninganna í Hvíta-Rússlandi. Lúkasjenkó hefur ráðið ríkjum í landinu síðan 1994 eða í 26 ár.
Hernaðaraðstoð samþykkt – Vopnasendingar í vikunni
Moses Hightower og Prins Póló gefa út eyjalag
Tóku upp hanskann fyrir leikskólabörn
Fara ekki lengur fram á einangrun yfir Davíð
Katrín: Jóhönnustjórnin talaði máli Íslands
Beint frá Kína
Hönnun sem bætir líf manna