Greta Thunberg er mætt í skólann að nýju eftir að hafa barist gegn loftslagsvánni undanfarið ár. Thunberg, sem er 17 ára gömul, hefur ekki mætt í skólann síðan skólaárinu lauk í júní í fyrra.
Hún skrifar á Twitter að það sé frábært að vera lokins mætt í skólann að nýju og með fylgir mynd af henni á reiðhjóli með skólatösku á bakinu. Ekki kemur fram í færslunni í hvaða skóla hún gengur í.
My gap year from school is over, and it feels so great to finally be back in school again! pic.twitter.com/EKDzzOnwaI
— Greta Thunberg (@GretaThunberg) August 24, 2020
Hún er að hefja nám í framhaldsskóla og þegar hún lauk grunnskólanámi fyrir rúmu ári ákvað hún að sigla yfir Atlandshafið til að vekja athygli á kolefnislosun flugs. Til stóð að hún flytti erindi á COP25 ráðstefnu Sameinuðu þjóðanna í höfuðborg Chile, Santiago. En vegna óeirða í Chile var ráðstefnan flutt til Madrid þannig að Thunberg varð að sigla frá Ameríku til Evrópu.
Á meðan Thunberg var í Bandaríkjunum fór hún á fund heimsleiðtoganna hjá SÞ, fundaði oftar en einu sinni með fyrrverandi forseta Bandaríkjanna, Barack Obama, og ferðaðist síðan Bandaríkin þver og endilöng á Tesla rafmagnsbíl sem fyrrverandi ríkisstjóri Kaliforníu, Arnold Schwarzenegger, lánaði henni að því er segir í frétt Guardian.