Andrew Cuomo, ríkisstjóri New York-ríkis, gagnrýndi viðbrögð Donalds Trumps Bandaríkjaforseta við kórónuveirufaraldrinum harðlega í dag og sakaði ríkisstjórn hans um að „vera enn í afneitun“.
Þetta kom fram í twitterfærslum Cuomos í dag. Hann sagði enn fremur að það vantaði stefnumörkun í Bandaríkjunum vegna kórónuveiruprófa og reglna um notkun gríma. Slíkt hefði þess í stað verið sett í hendur hvers ríkisstjóra fyrir sig.
They are still in denial mode.
— Andrew Cuomo (@NYGovCuomo) August 30, 2020
Don't test and if we can't find the cases — they don’t exist.
Great, then let's cure cancer by stopping screenings.
Absurd!
Faraldurinn lék New York grátt í vor en nýsmitum og dauðsföllum hefur fækkað hratt eftir að fleiri voru skimaðir vegna veirunnar.
Alls voru 100.022 skimaðir í New York-ríki í gær en einungis 698 þeirra eru með veiruna.