Navalní kominn úr dái
Alexei Navalní.
AFP
Setja bókamerki
Alexei Navalní, leiðtogi rússnesku stjórnarandstöðunnar, er kominn úr lyfjadái og verið er að venja hann af öndunarvél.
Þetta kemur fram í yfirlýsingu sjúkrahússins Charite í Berlín. Þangað var Navalní fluttur frá Rússlandi og segja þýskir læknar að eitrað hafi verið fyrir honum.
Í yfirlýsingunni kemur fram að Navalní, sem er 44 ára, sé á batavegi. Of snemmt er að segja til um langtímaáhrifin af völdum eitrunarinnar.
Navalní veiktist um borð í flugvél í Síberíu í síðasta mánuði. Þýska ríkisstjórnin sagði í síðustu viku að „ótvíræð sönnunargögn“ sýndu að Navalní hafi verið byrlað taugaeitrið novichok.
Angela Merkel, kanslari Þýskalands, krafðist í framhaldinu svara frá Rússum.
Sárt að horfa upp á illa meðferð fjármuna
Hafa „ágætis tíma“ til úrbóta
Almannavarnir auka viðbúnað
Mun fara sparlega með málskotsréttinn
Unnu að fullum heillindum að kaupum á TM
„Búið að vera í dreifingu í einhvern tíma“
Hyggjast leyfa fólki að skoða gosið