Danski kafbátasmiðurinn Peter Madsen hefur játað að hafa orðið sænsku blaðakonunni Kim Wall að bana í kafbát sínum við Køge-flóa, suðaustur af Amager, í ágúst 2017 eftir að hafa boðið henni í kafbátinn til að taka viðtal.

Madsen var dæmdur í lífstíðarfangelsi fyrir morðið ári síðar, en hann hefur hingað til haldið fram sakleysi sínu og sagt að Wall hafi látist af slysförum; heldur ótrúverðug málsvörn í ljósi þess að lík Wall fannst sundurlimað úti fyrir ströndum Amager.

Frétt af mbl.is

Wall fékk lúgu í höfuðið, segir Madsen

Madsen viðurkennir hins vegar morðið í nýrri sjónvarpsþáttaröð sem ber nafnið De hemmelige optagelser (Leyniupptökurnar). Þættirnir byggjast á 20 klukkustunda samtölum rannsóknarblaðamannsins Kristians Linnemanns við Madsen, en Linnemann á að baki 20 ára feril sem rannsóknarblaðamaður. Upptökurnar voru teknar án vitundar Madsens en hann mun síðar hafa gefið leyfi fyrir því að þær yrðu gefnar út.

„Það er mér að kenna að hún dó. Það er mér að kenna því ég framdi glæpinn. Það er allt á mína ábyrgð,“ segir Madsen í þáttunum. Segist hann venjulega ekki vera ofbeldisfullur maður, en spurningar Wall hafi ögrað sér og hann í kjölfarið drepið hana. Sú skýring gengur þó í berhögg við niðurstöður lögreglu, sem segja morðið hafa verið skipulagt.

Frétt af mbl.is

Hafði ákveðið að myrða Wall

Þáttaröðin De hemmelige optagelser er sýnd á Discovery Network. Fyrsti þátturinn var birtur klukkan átta í morgun og má nálgast frítt hér. Til þess þarf að stofna aðgang, en þó ekki gefa upp kreditkortaupplýsingar.

Tengdar fréttir

Sænska blaðakonan Kim Wall myrt

Peter Madsen hlaut 21 mánaðar dóm

• Danir herða öryggisgæslu í fangelsum
• Peter Madsen reyndi að flýja
• Ný þáttaröð um kafbátamálið sem skók allan heiminn
• Segir Madsen góða fyrirmynd

» Fleiri tengdar fréttir

• Blogga um frétt