Höfða mál gegn Kevin Spacey

Kevin Spacey.
Kevin Spacey. AFP

Tveir menn, leikarinn Anthony Rapp og ónafngreindur karlmaður höfðuðu mál gegn leikaranum Kevin Spacey þar sem þeir saka hann um kynferðislegt ofbeldi á níunda áratug síðustu aldar er þeir voru unglingar.

Guardian greinir frá þessu en Rapp greindi fyrst frá því árið 2017 að Spacey hafi beitt hann kynferðislegu ofbeldi. Í kjölfarið stigu fleiri fram og greindu frá svipuðu ofbeldi af hálfu leikarans.

Málsóknin var lögð fram fyrir dómi á Manhattan og þar fer Rapp ítarlega yfir ásakanir á hendur Spacey. Þegar Rapp greindi fyrst frá ásökunum sínum sagðist Spacey ekki reka minni til þessa en bað Rapp afsökunar.

mbl.is