Maria Kolesnikova ákærð

Maria Kolesnikova.
Maria Kolesnikova. AFP

Maria Kolesnikova, stjórnarandstæðingur í Hvíta-Rússlandi, hefur verið ákærð fyrir að grafa undan þjóðaröryggi í landinu.

Þessu greindu þarlendir embættismenn frá, að sögn BBC.

Þrjár konur hafa leitt stóra hreyfingu stjórnarandstæðinga í landinu en hún er sú eina sem hefur ekki farið í útlegð.

Kolesnikova er sögð hafa rifið vegabréfið sitt þegar yfirvöld reyndu að reka hana úr landinu.

Að minnsta kosti 100 þúsund manns hafa mótmælt á götum Hvíta-Rússlands síðustu fimm sunnudaga vegna forsetakosninganna í landinu en margir telja að úrslitunum hafi verið hagrætt.

mbl.is