Viðbúnaðarstig vegna faraldurs kórónuveirunnar í Bretlandi verður fært upp úr því þriðja og í það fjórða. Merkir það að smit á milli fólks sé „mikið eða í veldisvexti“, að sögn æstu embættismanna í heilbrigðiskerfi landsins.

Breska ríkisútvarpið greinir frá þessu og bendir á að vísindaráðgjafi ríkisstjórnarinnar hafi varað við því að um miðjan október gæti fjöldi nýrra smita á dag verið í kringum 50 þúsund, verði ekkert aðhafst.

Forsætisráðherrann Boris Johnson mun koma fram með yfirlýsingu á þinginu á morgun.

Alls hafa 4.368 ný tilfelli veirusmita verið tilkynnt í landinu í dag. Í gær voru þau 3.899 talsins. Enn fremur var greint frá ellefu andlátum sökum veirunnar í dag.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt