Svetlana Tikhanovckaya, leiðtogi stjórnarandstöðunnar í Hvíta-Rússlandi, mun ávarpa franska þingið eftir fund með Emmanuel Macron Frakklandsforseta sem er í opinberri heimsókn í Litháen.
„Við höfum fengið boð um að ávarpa franska þingið og höfum samþykkt það,“ sagði hún í höfuðborg Litháens, Vilníus.
Þangað flúði hún eftir að hafa gagnrýnt forsetakosningarnar í Hvíta-Rússlandi í síðasta mánuði. Tsíkanovskaja bauð sig fram gegn Alexander Lúkasjenkó, sem verið hefur forseti landsins frá 1994, í kosningunum. Niðurstöðurnar, sem segja Lúkasjenkó hafa hlotið 80% atkvæða, eru sagðar falsaðar. Fordæmalaus mótmæli hafa staðið yfir í Hvíta-Rússlandi síðustu vikur.