Tíu dauðsföll í Svíþjóð síðan á laugardag
Setja bókamerki
Tíu hafa látist í Svíþjóð af völdum kórónuveirunnar frá því á laugardag. Þetta kemur fram í nýjum tölum frá heilbrigðisyfirvöldum þar í landi. Alls hafa 5.890 látist af völdum COVID-19 í Svíþjóð og 92.466 greinst með smit.
Frá því á föstudag hafa greinst 1.543 ný smit í Svíþjóð en þar í landi er hætt að birta tölur yfir smit daglega. Frá 14. september eru aðeins birtar tölur frá þriðjudegi til föstudags.
Alls hafa 2.605 þurft á innlögn á gjörgæslu að halda.
Í Danmörku eru 392 ný kórónuveirusmit síðasta sólarhringinn. Í gær voru þau 435 þannig að þeim fækkar á milli daga og hafa í raun ekki verið jafn fá í 13 daga. Eitt dauðsfall er skráð þar síðan í gær og 107 eru á sjúkrahúsi. Af þeim eru 24 á gjörgæslu, þar af níu í öndunarvél.
24 liggja á sjúkrahúsi í Noregi með COVID-19 og hefur þeim fjölgað um þrjá frá því í gær. Af þeim er einn í öndunarvél. Er það í fyrsta skipti síðan 7. september sem sjúklingur er í öndunarvél í Noregi vegna COVID-19.
Eyjafjarðarbraut lokað vegna alvarlegs umferðarslyss
Shakespeare fannst í skókassa
Kostnaður meiri en milljón á fermetra
Skiptir miklu meira máli en fólk grunar
Tveir í bílnum sem lenti utan vegar
„Það þarf að vinna mikinn fjölda upp“