Fleiri fallnir í „lokabaráttunni“
Setja bókamerki
Stjórnvöld í Armeíu segja að 51 hermaður til viðbótar hafi látið lífið í átökum við heri Asera um yfirráð yfir Nagorno-Karabakh-héraði. Héraðið er opinberlega hluti Aserbaídsjan en héraðinu er stjórnað af Armenum.
Ríkin tvö háðu stríð um héraðið á árunum 1988-1994 en átökin sem hófust síðasta sunnudag eru þau mestu frá því stríðinu lauk.
Ríkisstjórn Armeníu hefur birt á netinu nöfn allra þeirra sem fallið hafa í valinn, en nokkrum klukkustundum fyrr sagði Arayik Harutyunyan, leiðtogi aðskilnaðarsinna, að „lokabaráttan“ við herlið Asera væri að hefjast og hann væri á leið í fremstu víglínu.
Stjórnvöld í Íran hafa varað stríðandi fylkingar við hvers konar „ágangi“ á íranskt landsvæði eftir að sprengja sprakk í þorpi sem á landamæri að héraðinu umdeilda. Utanríkisráðherra landsins, Saeed Khatibzadeh, kallaði eftir því í yfirlýsingu að stríðandi fylkingar legðu niður vopn, og sagði Írana tilbúna til að leiða viðræður.
Færa slökkviliðið til nútímans
Mun fara sparlega með málskotsréttinn
Bjarkey stendur við skammarbréf Svandísar
Sárt að horfa upp á illa meðferð fjármuna
Nauðgaði kærustu sinni og tók það upp
Hæstiréttur staðfestir vanhæfi alls Landsréttar
Spursmál: Fyrsta stóra viðtal Katrínar
Ný staða uppi og óvissan meiri