Svar Armena sé „árás á aserska borgara“
Setja bókamerki
Tyrknesk stjórnvöld hafa fordæmt það sem þau kalla árásir Armena á óbreytta borgara í borginni Ganja í Aserbaídsjan. Til átaka hefur komið milli Asera og Armena vegna héraðsins Ngorno-Karabahk sem tilheyrir Aserbaídsjan er Armenar gera tilkall til.
„Árásir Armena á óbreytta borgara í asersku borginni Ganja í dag eru ný birtingarmynd þeirrar ákvörðunar Armena að virða ekki alþjóðalög. Við fordæmum þessar árásir,“ segir í yfirlýsingu tyrkneska utanríkisráðuneytisins.
Armenskir aðskilnaðarsinnar segja þó að árásirnar á Ganja, næststærstu borg Aserbaídsjan, hafi verið svar þeirra við árásum aserska hersins á Stepanakert, stærstu borg hins umdeilda Ngorno-Karabahk.
„Ein þjóð, tvö ríki“
Tyrkir eru stuðningsmenn Aserbaídsjan og hafa verið um langa hríð. Oft tala yfirvöld ríkjanna tveggja um Tyrkland og Aserbaídsjan sem eina þjóð í tveimur ríkjum.
Þá upphófust mikil mótmæli í Istanbúl í gærkvöld þar sem bæði Tyrkir og Aserar brenndu armenska fánann og sögðu að Karabahk tilheyrði Aserbaídsjan.
Danir í áfalli yfir brunanum
„Við eigum hvergi heimili“
Hafa náð tökum á eldinum
90 milljóna ferð austur: „Hrokinn yfirgengilegur“
Forsetafylgismenn dregnir í dilka
Fækka nefndum og auka eftirlit með styrkjum
Niðurstaða MDE kallar á breytingar
Mánuður frá gosi: Lengsta gosið frá 2021