Vonast eftir bóluefni í janúar
Setja bókamerki
Monced Slaoui, ónæmissérfræðingurinn sem fer fyrir bóluefnateymi ríkisstjórnar Bandaríkjanna (Operation Warp Speed), segist gera ráð fyrir að lyfjafyrirtæki muni óska eftir því að eftirlitsstofnanir taki bóluefni þeirra til neyðaryfirferðar í lok nóvember. Það gæti þýtt að bólusetningar hæfust snemma næsta árs.
Í samtali við Market Watch segir Slaoui að hann geri ráð fyrir að bóluefnið verði 80-90% árangursríkt, sem er mun hærra en lágmarksviðmið bandaríska lyfjaeftirlitsins (FDA) segja til um. Býst hann við því að um 300 milljón skammtar verði fáanlegir í janúar. Óvissan er þó töluverð.
„Við munum vita hvort bóluefnið virkar einhvern tímann í lok október eða nóvember, eða desember. En ég geri ráð fyrir að hægt verði að óska eftir samþykki [frá FDA] þremur til fjórum vikum eftir að við vitum hvort bóluefnið er áhrifaríkt,“ segir hann.
Bandarísk yfirvöld eiga í samstarfi við átta einkaaðila um þróun bóluefnis: Johnson & Johnson, Astra-Zeneca-háskólann í Oxford, Pfizer-BioNTech, Moderna, Merck, Vaxart, Inovio og Novavax. Gengur verkefnið undir nafninu Operation Warp Speed.
Bandarísk stjórnvöld hafa þegar tryggt sér hundruð milljóna bóluefnisskammta, takist að framleiða öruggt og skilvirkt efni. Þannig hefur verið samið um kaup á 100 milljónum skammta frá Novavax fyrir 1,6 milljarða dala og öðrum 100 milljónum skammta frá Pfizer og BioNtech fyrir tvo milljarða dala.
„Hvílir mikil leynd yfir þessu öllu“
Skar höfuðleðrið af íslenskri konu
Eyjafjarðarbraut lokað vegna alvarlegs umferðarslyss
Æskuvinur Íslendings myrtur í Noregi
Veiting hvalveiðileyfis ekki brot á EES-samningi
„Það þarf að vinna mikinn fjölda upp“
Sex hafa greinst með listeríu