Lögregla þurfti að dreifa stórum hópi fólks sem hópast hafði saman á götum úti í miðborg Lundúna í gærkvöldi skömmu áður en hertar reglur vegna kórónuveirufaraldursins tóku gildi.
Samkvæmt fréttum breskra fjölmiðla voru nokkrir handteknir í Soho hverfinu í höfuðborginni þar sem fólk mótmælti hertum reglum sem tóku gildi á miðnætti.
Piers Corbyn, bróðir Jeremys Corbyns, fyrrverandi leiðtoga Verkamannaflokksins, sem áður hefur verið sektaður fyrir að brjóta reglur vegna kórónuveirufaraldursins, studdi mótmælendur.