Frank Jensen hefur verið yfirborgarstjóri Kaupmannahafnar í áratug og varaformaður Sósíaldemókrataflokksins til átta ára, næstráðandi í flokknum á eftir Mette Frederiksen forsætisráðherra.
Tvisvar áður, árin 2012 og 2014, komu álíka mál upp.
Konan sem stígur nú fram heitir Maria Gudme og situr í svæðisráði sósíaldemókrata á danska höfuðborgarsvæðinu. Það gerir hún í viðtali við Jótlandspóstinn þar sem lýsir hún því hvernig Jensen áreitti hana á bar árið 2012 með því að strjúka á henni innanvert lærið. Hún starfaði þá sem ritari fyrir svæðisdeild flokksins. Nokkur vitni staðfesta söguna í umfjöllun Jótlandspóstsins. Þá er einnig greint frá öðru sambærilegu máli, en sú kona er ekki nafngreind.