Ákærður fyrir að fagna afhöfðun kennara
Setja bókamerki
Unglingur hefur verið ákærður í frönsku borginni Marseille fyrir stuðning við hryðjuverk vegna ummæla hans í tengslum við morðið á kennaranum Samuel Paty. Saksóknari greindi frá þessu í dag.
Fjórtán ára drengur af afgönskum uppruna fagnaði morðinu í skólastofu sinni og sagði að hann „hefði gert það sama,“ að því er kom fram í dagblaðinu La Provence.
Drengnum var sleppt að lokinni yfirheyrslu en hann verður áfram undir eftirliti, að sögn Dominique Laurens, saksóknara í Marseille.
Sjö svona atvik sem tengjast skólum hafa verið skráð í Marseille í þessari viku, að sögn Bernard Beignier, yfirmanns menntamála í borginni. Þrjú þeirra eru sögð hafa falið í sér „réttlætingu á hryðjuverkum.“
Paty var afhöfðaður skammt frá skóla sínum í úthverfi Parísar í síðasta mánuði af 18 ára manni sem var ósáttur við að kennarinn sýndi nemendum skopmyndir af spámanninum Múhameð í kennslustund þar sem umfjöllunarefnið var málfrelsi.
„Okkur miðar í rétta átt“
„Hvílir mikil leynd yfir þessu öllu“
Handteknir eftir myndatöku í Vesturbæjarlaug
Verðbólgan komin niður í 6%
„Skýr skilaboð til Seðlabankans“
Handtekin eftir að tvö börn fundust látin