Joe Biden mun ávarpa bandarísku þjóðina klukkan 20:00 að staðartíma í Chase Center í Wilmington í Delaware, heimaríki sínu, á eftir en það er klukkan 01:00 að íslenskum tíma. Varaforsetaefni Bidens, Kamala Harris, mun einnig flytja ávarp á eftir.

Fyrr í dag lýstu allir helstu fjölmiðlar Bandaríkjanna yfir sigri Bidens í forsetakosningum þar vestanhafs. Hægt verður að fylgjast með ávarpinu hér að neðan. 

Eftir að tilkynnt var um sigur Bidens brutust út mikil fagnaðarlæti víða í Bandaríkjunum og safnaðist fólk meðal annars saman fyrir utan Hvíta húsið. 

Í desember munu kjörmenn koma saman og kjósa forseta formlega og er embættistaka svo 20. janúar.

Donald Trump, sitjandi forseti, hefur enn ekki viðurkennt ósigur og hefur Rudy Giuli­an­i, lögmaður Trumps, boðað málaferli vegna kosninganna á mánudaginn.

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• Blogga um frétt