Forseti Rússlands, Vladimír Pútín, ætlar að bíða eftir að opinber tilkynning berist um niðurstöðu bandarísku forsetakosninganna áður en hann óskar sigurvegaranum til hamingju.
Talsmaður forsetaembættisins, Dmitrí Peskov, greindi frá þessu í dag. „Við teljum rétt að bíða eftir að opinber niðurstaða liggi fyrir. Ég vil minna ykkur á að Pútín forseti hefur ítrekað sagt að hann muni virða val bandarísku þjóðarinnar.
Margir þjóðarleiðtogar hafa óskað Joe Biden til hamingju eftir að hann náði óyfirstíganlegri forystu í kapphlaupinu um forsetaembættið. Donald Trump sitjandi forseti hefur ekki viljað staðfesta ósigur og segir að um kosningasvindl sé að ræða.