Byrjað var að ferja farþega frá borði finnsku ferjunnar Viking Grace um 9 leytið í morgun að staðartíma, klukkan 8 að íslenskum tíma. Vel gengur að koma farþegunum og áhöfn, alls tæplega 400 manns, frá borði samkvæmt frétt sænska ríkissjónvarpsins. Fastlega er búist við að þeir verði allir komnir frá borði fljótlega.
Líkt og greint var frá á mbl.is í gær strandaði ferjan, sem er í eiguferjuútgerðarinnar Viking Line, með rúmlega 300 farþega og 98 manna áhöfn við Mariehamn á Álandseyjum klukkan 13:15 í gær að skandinavískum tíma, 12:15 á Íslandi.
Ekki liggur ljóst fyrir hvað olli strandinu en mjög hvasst var á þessum slóðum. Ekki kom leki að ferjunni og væsti ekki um farþega og áhöfn um borð í nótt. Alls var 331 farþegi um borð í ferjunni.