Heiko Maas, utanríkisráðherra Þýskalands, gagnrýnir mótmælendur sóttvarnaaðgerða í landinu harðlega fyrir að líkja sér við fórnarlömb nasista í síðari heimsstyrjöldinni. Sakaði hann mótmælendurna um að gera lítið úr voðaverkum helfararinnar og því hugrekki sem andspyrnumenn í heimsstyrjöldinni hefðu sýnt.

Maas lét ummælin falla eftir að ung kona steig á svið á mótmælum í borginni Hannover í gær og sagði að sé liði „alveg eins og Sophie Scholl“. Scholl var háskólanemi sem nasistar tóku af lífi árið 1943 fyrir þátt sinn í andspyrnuhreyfingunni. Milljónir manna hafa horft á myndband af ræðunni á Youtube og hafa ummælin verið gagnrýnd víða.

„Hver sem á okkar tímum líkir sjálfum sér við Sophie Scholl eða Önnu Frank hæðist að hugrekkinu sem þurfti til að standa uppi í hárinu á nasistum,“ skrifaði Maas á Twitter. „Það gerir lítið úr helförinni og sýnir óbærilega gleymsku á sögunni. Ekkert tengir kórónuveirumótmæli við baráttu andspyrnuhreyfingarinnar. Ekkert.“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt