Erlent | mbl | 22.11.2020 | 7:52

Kröfu Trump vísað frá

Jill og Joe Biden verða næstu forsetahjón Bandaríkjanna. AFP

Dómari í Pennsylvaníu hefur vísað frá kröfu frá kosningaskrifstofu Donalds Trumps Bandaríkjaforseta um að ógilda milljónir póstatkvæða í ríkinu.

Krafan byggði á því að um misfellur hafi verið að ræða varðandi atkvæðinn en dómarinn sem tók kröfuna fyrir, Matthew Brann, segir að krafan sé tilhæfulaus. Þetta þýðir að fátt getur komið í veg fyrir að ríkið geti lýst Joe Biden sigurvegara í forsetakosningunum sem fram fóru 3. nóvember. Biden fékk yfir 80 þúsund fleiri atkvæði í Pennsylvaníu en Trump.

Trump hefur neitað að viðurkenna ósigur sinn og segir þetta byggja á víðtæku kosningasvindli án þess að hafa getað lagt fram neinar sönnur á fullyrðingar sínar.

Thanks Mark. It’s all a continuation of the never ending Witch Hunt. Judge Brann, who would not even allow us to present our case or evidence, is a product of Senator Pat “No Tariffs” Toomey of Pennsylvania, no friend of mine, & Obama - No wonder. 900,000 Fraudulent Votes! https://t.co/17rk2KsUPs
— Donald J. Trump (@realDonaldTrump) November 22, 2020