Palestínumenn telja kjör Bidens jákvætt
Setja bókamerki
Tengdar fréttir
Ísrael/Palestína
Stjórnvöld í Palestínu og Arababandalagið segjast bjartsýn á samstarf við bandarísk yfirvöld eftir að Joe Biden sest í forsetastólinn í janúar næstkomandi. Vonast er til að Biden muni gegna jákvæðu hlutverki í að gera Palestínu að sjálfstæðu ríki.
Mahmud Abbas, leiðtogi Palestínu, og Ahmed Aboul Gheit, formaður Arababandalagsins, hittust í Kaíró, höfuðborg Egyptalands, í dag og ræddu meðal annars um átök Palestínu og Ísrael í ljósi nýafstaðinna forsetakosninga í Bandaríkjunum.
Þeir vonast til að hin nýja ríkisstjórn í Bandaríkjunum muni ryðja veginn fyrir enduruppbyggingu og vera virkari og jákvæðari í leit að lausn á deilu ríkjanna tveggja.
Abbas hefur biðlað til Bidens að styrkja sambandið á milli Palestínu og Washington, samband sem rofnaði þegar Donald Trump tók við sem forseti.
Sjórnvöld í Palestínu sökuðu, á þeim tíma, Trump um að vera með Ísrael í liði. Á kjörtímabili sínu lokaði Trump fyrir fjárveitingar til palestínskra flóttamanna sem Sameinuðu þjóðirnar sjá um og flutti einnig sendiráð Bandaríkjanna í Ísrael frá Tel Aviv til Jerúsalem, í óþökk Palestínumanna.
Trump forðaðist að gagnrýna landtökubyggðir gyðinga á Vesturbakkanum og lagði grunn að umdeildri friðaráætlun í Mið-Austurlöndum án aðkomu Palestínu.
Tengdar fréttir
Ísrael/Palestína
Innviðir þandir og álagið „gríðarlegt“
Kveðst tala af virðingu: „Ég er enginn dóni“
Þrjú og hálft ár fyrir skotárás í Úlfarsárdal
Stóraukið fé til samgöngusáttmála
„Menn eru bara búnir að forgangsraða“
Segir óábyrgt að skipta út öllu bankaráðinu