Fjórir eru sagðir látnir og fjöldi slasaður eftir að bíl var ekið á gangandi vegfarendur í borginni Trier í Þýskalandi. Samkvæmt fyrstu fregnum af atvikinu eru einnig 15 slasaðir.
Búið er að handtaka árásarmanninn sem sagður er 51 árs gamall íbúi úr Trier-Saarburg hverfi borgarinnar.
Talsmaður lögreglunnar sagði í yfirlýsingu á Twitter að nokkrir væru látnir en staðarmiðlar fullyrða að fjórir hafi látist. Barn er sagt á meðal hinna látnu. Þá kemur fram í yfirlýsingu frá Wolfram Liebe, borgarstjóra í Trier, að margir séu alvarlega slasaðir.
Vopnaðir lögreglumen og öryggisverðir eru nú á svæðinu þar sem árásin var gerð.
Að sögn sjónvarvotta ók árásarmaðurinn á jeppabifreið inn í verslunargötu þar sem hann jók hraðann í átt að mannþröng. Lögreglumönnum tókst að stöðva bifreiðina í nærliggjandi götu.
Í meðfylgjandi myndbandi má sjá lögreglu þegar hún hefur yfirbugað árásarmanninn. Er hann sagður í Spiegel bera nafnið Bernd W.
BREAKING - Car plows through pedestrians in the German city of Trier, at least 2 dead, 10 injured. The police rammed the car and arrested the driver.pic.twitter.com/oQHM83arwv
— Disclose.tv 🚨 (@disclosetv) December 1, 2020
Fréttin verður uppfærð