Viðræður halda áfram á morgun

Boris Johnson.
Boris Johnson. AFP

Viðræður um viðskiptasamning vegna útgöngu Breta úr Evrópusambandinu, Brexit, halda áfram á morgun.

Boris Johnson, forsætisráðherra Bretlands, og Ursula von der Leyen, forseti framkvæmdastjórnar ESB, greindu frá þessu eftir að hafa rætt saman í síma í dag.

„Í símtalinu í dag um samningaviðræðurnar á milli Evrópusambandsins og Bretland fögnuðum við því að árangri hefur verið náð á mörgum sviðum,“ sögðu þau í tilkynningu.

Ursula von der Leyen.
Ursula von der Leyen. AFP

„Samt sem áður er enn uppi umtalsverður ágreiningur á þremur mikilvægum sviðum: varðandi sanngirnissjónarmið, stjórnsýslu og fiskveiðar,“ sögðu þau og bætttu við að þau ætli að tala aftur saman í síma á mánudaginn.

Viðræðurn­ar á milli Breta og ESB hafa dreg­ist á lang­inn í átta mánuði. Ákveðið var að slíta viðræðum þrátt fyr­ir að stutt sé í að Bret­ar yf­ir­gefi innri markað ESB 31. des­em­ber með eða án viðskipta­samn­ings.

mbl.is