Hæstiréttur hafnar sjónarmiðum Trumps
Dómsúrskurðurinn var kveðinn upp án rökstuðnings.
AFP
Setja bókamerki
Hæstiréttur Bandaríkjanna hefur hafnað beiðni Donalds Trumps Bandaríkjaforseta um að hnekkja úrslitum forsetakosninganna í Pennsylvaníu, þar sem Joe Biden bar sigur úr býtum. Segir frá þessu á vef Washington Post.
Dómsúrskurðurinn var kveðinn upp án rökstuðnings og bendir ekkert til þess að rétturinn hafi klofnað við úrlausn málsins. Var þetta í fyrsta skipti sem beiðni um að fresta niðurstöðum kosninganna hefur náð til réttarins og virðist sem Amy Coney Barrett, sem var nýlega skipuð í réttinn af repúblikönum, hafi verið meðal dómenda.
Rétt áður en dómsúrskurðurinn var kveðinn upp sendi Trump frá sér yfirlýsingu og hélt því skýlaust fram að hann hefði sigrað Biden.
Eyjafjarðarbraut lokað vegna alvarlegs umferðarslyss
Tveir í bílnum sem lenti utan vegar
„Skýr skilaboð til Seðlabankans“
Verðbólgan komin niður í 6%
Skar höfuðleðrið af íslenskri konu
Veiting hvalveiðileyfis ekki brot á EES-samningi