Sádar og bandamenn þeirra gerðu í dag loftárás á Sanaa, höfuðborg Jemen, sem er á valdi uppreisnasveita húta. Árásin er sögð í umfjöllun Reuters hefndaraðgerð fyrir árásir í hafnarborginni Aden í gær, en þær áttu sér stað þegar fulltrúar alþjóðlega viðurkenndra stjórnvalda landsins komu til borgarinnar.

Flugvöllurinn í Sanaa var meðal fjölda skotmarka í borginni í dag. Að sögn íbúa mátti heyra sprengingar víða um borgina og voru herflugvélar yfir borginni í fleiri klukkutíma. Samkvæmt Masirah sjónvarpsstöðinni, sem rekin er af hútum, lentu sprengjur Sáda og bandamanna þeirra á 15 mismunandi stöðum. Enn er ekki vitað um mannfall.

Frétt af mbl.is

Eru að deyja úr hungri

Stríðið hefur staðið frá því að hútar gerðu uppreisn árið 2014 og hafa þúsundir saklausra borgara fallið í loftárásum.

Dregið hefur úr loftárásum eftir sem liðið hefur á stríðið þar sem pattstaða hefur myndast. Hútar hafa með stuðningi Írana náð völdum í flestum þéttbýlum Jemen, en alþjóðlega viðurkennd stjórnvöld hafa hreiðrað um sig í Aden með stuðningi Sáda og vestrænna ríkja.

Tengdar fréttir

Jemen

Gerðu enn aðra loftárás á Jemen

• Íranar fordæma árásina en lofa ekki hefndum
• Skutu niður eldflaugina á síðustu stundu
• Náðu að afstýra stórslysi
• Kaupskip hæft með eldflaug

» Fleiri tengdar fréttir

• Blogga um frétt