Lyfjastofnun Indlands veitti í gær bráðaleyfi til notkunar á bóluefni er ber heitið Covaxin. Um er að ræða inverskt bóluefni sem þróað var af fyrirtækinu Bharat Biotech, sem staðsett er í borginni Hyderabad þar í landi. Þetta kemur fram í umfjöllun Reuters. 

Covaxin verður notað sem eins konar neyðarbóluefni, fari svo að ekki takist að fá nægilega marga skammta af bóluefni AstraZeneca. Indverska ríkið hefur stutt við framleiðslu bóluefnisins. 

Óljóst er um virkni þess en mjög litlar upplýsingar er að finna um bóluefnið. Gera má ráð fyrir að helstu upplýsingar um Covaxin verði gerðar opinberar á næstunni. Fyrr í dag hélt Lyfjastofnun landsins þar sem farið var yfir nokkur atriði er varða bóluefnið. 

Lyfjasérfræðingar þar í landi hafi veitt bóluefninu tilskilin leyfi, en vonir eru bundnar við að hægt verði að nota bóluefnið af fullum krafti á öðrum ársfjórðungi þessa árs. Fyrirtækið hefur tilkynnt að um 300 milljónir skammta verði framleiddir. 

Tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• Blogga um frétt