Donald Trump Bandaríkjaforseti mun ávarpa stuðningsmenn sína í Washington á miðvikudag. Boðað hefur verið til mótmæla vegna fyrirhugaðrar staðfestingar öldungadeildar Bandaríkjaþings á niðurstöðum forsetakosninganna sem fram fóru í nóvember. 

„Ég mun tala á BJÖRGUM BANDARÍKJUNUM FUNDINUM á morgun,“ sagði forsetinn á Twitter fyrr í kvöld. 

Banda­ríska kjör­mannaráðið (e. Electoral Col­l­e­ge) kaus Biden form­lega 14. des­em­ber, en 306 kjör­menn greiddu Biden at­kvæði sitt gegn 232 sem greiddu Trump at­kvæði. Var það í sam­ræmi við úr­slit kosn­ing­anna.

Lög­um sam­kvæmt kem­ur það í hlut beggja deilda þings­ins að staðfesta kjör kjör­mannaráðsins, „telja at­kvæðin“ eins og það er kallað. Staðfest­ing­in hef­ur venju­lega tal­ist forms­atriði. Trump hef­ur hins veg­ar ekki enn viður­kennt ósig­ur og hef­ur varið síðustu tveim­ur mánuðum í að saka demó­krata um kosn­inga­s­vindl án þess að hafa lagt fram sann­fær­andi sönn­un­ar­gögn.

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• 1 blogg um fréttina

Bloggað um fréttina

• Helga Kristjánsdóttir: Dónald Trump ávarpar mótmælendur !