Útilokað að finna fólk á lífi
Kveikt á kertum við aðalgötu bæjarins.
AFP
Setja bókamerki
Lögreglan í Noregi hefur gefið upp von um að þau þrjú sem saknað er eftir jarðfall í bænum Ask í Noregi í síðustu viku finnist á lífi.
Lögreglustjórinn Ida Melbo Øystese greindi frá þessu á blaðamannafundi nú fyrir stundu. Skriða féll úr sárinu í morgun sem myndaðist við jarðfallið og forðuðu björgunarsveitarmenn sér í tæka tíð.
Tíu var saknað eftir jarðfallið 30. desember og af þeim hafa sjö fundist látnir.
„Við höfum gert allt sem í okkar valdi stendur,“ sagði Øystese á blaðamannafundinum þar sem ljóst varð að tíu hefðu látist í náttúruhamförunum.
Áfram verður leitað að þeim sem saknað er þó búið sé að útiloka að þau finnist á lífi.
„Þetta er mikið áfall sem hefur legið í loftinu,“ sagði Anders Østensen, bæjarstjóri í Ask.
Innviðir þandir og álagið „gríðarlegt“
Stóraukið fé til samgöngusáttmála
Kvikan virðist nú skiptast til helminga
Hafa samþykkt kaup fyrir um 9,2 milljarða
Starfsfólk gæti fengið reikning frá Skattinum
Kveðst tala af virðingu: „Ég er enginn dóni“