Varað við samkomum öfgafólks
Setja bókamerki
Bandaríska alríkislögreglan (FBI) varar við því að vopnaðir hópar séu að undirbúa að koma saman í höfuðborgum allra 50 ríkja Bandaríkjanna auk höfuðborgar landsins, Washington DC, dagana áður en Joe Biden sver embættiseið sem forseti Bandaríkjanna.
Öryggisáætlanir vegna athafnarinnar sjálfrar hafa verið hertar en starfandi heimavarnaráðherra Bandaríkjanna, Chad Wolf, sagði af sér í gærkvöldi. Fyrr um daginn hafði hann fyrirskipað leyniþjónustunni að byrja að undirbúa sérstakar aðgerðir fyrir embættistökuna vegna atburðanna í síðustu viku er stuðningsmenn Donalds Trumps ruddust inn í þinghúsið. Allt að 15 þúsund þjóðvarðliðar verða til reiðu til að tryggja öryggi á atburðinum.
Biden sagði í gær að hann óttaðist ekki að mæta til embættistökunnar í þinghúsinu en bæði hann og Kamala Harris, verðandi varaforseti, sverja þar embættiseið aðeins tveimur vikum eftir að mannskæðar óeirðir fóru þar fram.
Verðbólgan komin niður í 6%
„Skýr skilaboð til Seðlabankans“
Handteknir eftir myndatöku í Vesturbæjarlaug
„Okkur miðar í rétta átt“
Veiting hvalveiðileyfis ekki brot á EES-samningi
„Hvílir mikil leynd yfir þessu öllu“