Þriðja líkið fundið á Andøy

Leitarmenn rannsóknarlögreglunnar Kripos fundu nú fyrir skömmu þriðja líkið í rústum sumarbústaðarins á Andøy. Unnið er að því að bera kennsl á líkin sem fundist hafa auk þess sem krufning þeirra stendur fyrir dyrum í Tromsø.

„Við höfum enga ástæðu til annars en að ætla að þarna hafi bara verið um skelfilegt slys að ræða,“ segir Jørn Karlsen, aðgerðastjóri lögreglunnar á svæðinu, í samtali við norska ríkisútvarpið NRK í útsendingu sem nú stendur yfir. Hann segir hug lögreglunnar á vettvangi vera hjá ástvinum hinna látnu.

Frétt af mbl.is

Tvö lík fundin í brunarústunum

Karlsen segir markmið lögreglunnar nú vera að finna jarðneskar leifar þeirra tveggja sem enn er saknað og muni lögregla halda áfram leit

Astrid Berthinussen Holm býr á bæ, fjóra kílómetra frá vettvangi brunans, og það var hjá henni sem sjötti maðurinn í bústaðnum, sá eini sem komst út, knúði dyra laust fyrir klukkan fimm í gærmorgun, berfættur og aðeins klæddur því sem hann hafði sofið í um nóttina og kvað Holm hann hafa verið mjög illa haldinn. Hann er nú á sjúkrahúsi og hefur notið aðstoðar áfallahjálparaðila síðan í gærmorgun.

NRK

VG

• Blogga um frétt