Sjálfsvígum fjölgaði í seinni bylgjunni
Setja bókamerki
Sjálfsvígstíðni í Japan jókst umtalsvert milli ára. Frá júlí til október jókst hún um 16% samanborið við sama tímabil árið áður. Þetta kemur fram í niðurstöðum rannsóknar japanskra vísindamanna. Japan Today greinir frá.
Mánuðirnir þrír sem rannsóknin tekur til eru á sama tímabili og önnur bylgja kórónuveirufaraldursins reið yfir. Þannig er talið hugsanlegt að tengsl séu milli hærri sjálfsvígstíðni og hertra takmarkana vegna faraldurs. Takmarkanir hafa aukið á atvinnuleysi og fjölmargir hafa misst lifibrauð sitt vegna þeirra.
Því var þó öfugt farið í fyrri bylgju faraldursins þegar sjálfsvígstíðnin lækkaði um 14%. Í fyrri bylgjunni var talið að lægri sjálfsvígstíðni mætti rekja til færri vinnutíma og skólalokana. Það skilaði sér jafnframt í minni áhyggjum. Nú hefur þetta aftur á móti snúist við. Sérstaklega má sjá aukningu sjálfsvíga meðal kvenfólks.
Þar jókst sjálfsvígstíðnin um 37% á tímabilinu. Það er um fimm sinnum meira en meðal karlmanna. Talsverðar takmarkanir hafa verið í gildi vegna faraldursins í Japan, en faraldurinn hefur verið á siglingu í landinu.
Mikil skjálftavirkni á landinu áhyggjuefni
Starfsfólk gæti fengið reikning frá Skattinum
Benda á Samgöngustofu sem bendir út í heim
Hjón sluppu með skrekkinn
Kvikan virðist nú skiptast til helminga
Markaðurinn hitnar og leiguverð hækkar hratt
Hafa samþykkt kaup fyrir um 9,2 milljarða