Í Candy Crush á fundum með Merkel

Forsætisráðherra Thüringen í þýskalandi hefur komist í hann krappan í kjölfar þess að hann viðurkenndi á spjallrás, sem hann taldi lokaða, að hann spilaði Candy Crush á samhæfingarfundum Angelu Merkel vegna kórónuveirufaraldursins.

Bedo Ramelow taldi sig vera á lokuðum spjallfundi á forritinu Clubhouse þegar hann sagði að sumir leystu sudoku-þrautir, aðrir spiluðu skák eða skrafl í farsímum sínum og að hann spilaði Candy Crush á fundunum, sem stundum teygðust klukkustundum saman.

Þá kallaði Ramelow Merkel „Merkelchen“, sem þýðist nokkurn veginn sem „Merkel litla“, á spjallrásinni.

Ramelow hefur beðist afsökunar á illmælginu og viðurkennt í twitterfærslu að það að tala svona niður til kanslarans sé karlremba.

Talsmaður Merkel segir að atvikið tali fyrir sig sjálft og krefjist ekki athugasemdar frá kanslaranum.

• Blogga um frétt