Tafir á dreifingu bóluefnis
Setja bókamerki
„Þetta þýðir að tafir verða á dreifingu bóluefnis og margir í áhættuhópum verða bólusettir í apríl og maí í staðinn fyrir febrúar og mars,“ segir Preben Aavitsland, læknir á vegum Lýðheilsustofnunar Noregs, við fyrirspurn Verdens Gang.
Upphaflega var gert ráð fyrir 1,1 milljón skammta bóluefnis frá lyfjafyrirtækinu AstraZeneca gegn Covid-19 til Noregs í næsta mánuði en tafir í framleiðslu gera það að verkum að skammtarnir verða aðeins 200 þúsund.
Samkvæmt frétt VG mun AstraZeneca afhenda Norðmönnum bóluefni tvisvar í mánuði.
Bent Høie, heilbrigðisráðherra Noregs, segir að tafir AstraZeneca gætu þýtt seinkun bólusetningar stórs hóps í landinu um einn til tvo mánuði. Þrátt fyrir það vonast hann til þess að búið verði að bólusetja stóran hluta Norðmanna í sumar.
Camilla Stoltenberg, forstjóri Lýðheilsustofnunarinnar, segir að fréttirnar séu vonbrigði.
Krefjast stöðvunar framkvæmda
Kostnaður meiri en milljón á fermetra
Telur forsendur fyrir vaxtalækkun
Eyjafjarðarbraut lokað vegna alvarlegs umferðarslyss
Shakespeare fannst í skókassa
Sex hafa greinst með listeríu
Tveir í bílnum sem lenti utan vegar