Forseti Suður-Afríku, Cyril Ramaphosa, hefur aflétt umdeildu áfengisbanni sem var liður í sóttvarnaaðgerðum þar í landi. Þá mega sólbaðsstrendur aftur opna auk þess sem trúarsamkomur mega aftur fara fram með takmörkunum, að því er fram kemur á fréttavef BBC.

Var þetta tilkynnt í kjölfar þess að milljón bóluefnaskammtar frá AstraZeneca bárust til landsins. Þar hafa flest kórónuveirusmit greinst frá byrjun faraldursins í álfunni, 1,4 milljónir smita, og auk þess flestir látið lífið vegna veirunnar eða 44.164 manns.

Mörg ríki hafa lokað fyrir komufarþega frá Suður-Afríku til þess að koma í veg fyrir útbreiðslu 501Y.V2-afbrigðisins sem er bráðsmitandi og er talið eiga upptök þar syðra. Auk þess liggur fyrir grunur um að bóluefni hafi minni virkni gagnvart 501Y.V2 en öðrum afbrigðum veirunnar. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

Joe Biden Bandaríkjaforseti

Biden vill lækka námslánaskuldir

• „Þjóðin stendur við bakið á ykkur“
• Segir yfirvöld Ísraels hafa hlustað á sig
• Vill breytingar á „næstu klukkustundum eða dögum“
• Mikið undir í stefnuræðu Bidens

» Fleiri tengdar fréttir

• Blogga um frétt