Fimm fangar voru hengdir í Írak en þeir höfðu allir verið dæmdir fyrir hryðjuverk. Mennirnir voru allir teknir af lífi í Nasiriyah-fangelsinu í Dhi Qar-héraði en það er eina fangelsið þar sem aftökur fara fram í landinu.

Frá því að írösk yfirvöld lýstu yfir sigri í stríðinu við vígasamtökin Ríki íslams hafa hundruð Íraka verið dæmd til dauða fyrir aðild að samtökunum. Aðeins hluti þeirra hefur aftur á móti verið tekinn af lífi því forseti landsins, Barham Saleh, þarf að staðfesta dauðarefsinguna. Hann er aftur á móti þekktur fyrir að vera sjálfur á móti dauðarefsingum.

Liðsmenn vígasamtakanna Ríkis íslams sem hafa verið dæmdir til dauða. AFP

Í síðasta mánuði greindu yfirvöld í Írak frá því að þau hefðu heimild til að taka yfir 340 einstaklinga af lífi fyrir hryðjuverk. Heimildir AFP herma að heimildirnar séu flestar frá því áður en Saleh var kjörinn forseti landsins.

Tengdar fréttir

Dauðarefsingar

Tekinn af lífi fyrir tvö morð

• Alabama hefur aftur gjöf banvænna sprauta
• Teknir af lífi fyrir að brenna Kóraninn
• Malasía bannar lögboðna dauðarefsingu
• Mál manns sem var hálfa öld á dauðadeild endurupptekið

» Fleiri tengdar fréttir

• Blogga um frétt