Heimsbyggðin sameinist um bólusetningu
Setja bókamerki
Antonio Guterres, aðalframkvæmdastjóri Sameinuðu þjóðanna, sagði að koma þyrfti upp allsherjaráætlun til að bólusetja öll ríki heimsins við Covid-19. Hann varaði við því að misrétti í dreifingu bóluefnis á árinu ógnaði heilsu og efnahag víða.
Fjallað var um bólusetningar við Covid-19 á sérstökum fundi öryggisráðs Sameinuðu þjóðanna í morgun.
Guterres benti á að tíu ríki heimsins hefðu tryggt sér 75% bóluefnis hinigað til og enn ætti eftir að hefja bólusetningu í 130 ríkjum.
„Heimurinn þarf allsherjaráætlun um það hvernig eigi að bólusetja við veirunni,“ sagði Guterres á fjarfundinum.
Hann benti á að ef veiran fengi að leika lausum hala í fátækari ríkjum heims ykjust líkurnar á stökkbreytingu. Ný afbrigði gætu verið bráðsmitandi, leitt til fleiri dauðsfalla og einhver þeirra orðið ónæm við bólusetningunni.
„Með því móti gæti heimsfaraldurinn dregist enn frekar á langinn.“
Skemmtiferðaskip hætt komið nærri Viðey
„Skýr skilaboð til Seðlabankans“
Handteknir eftir myndatöku í Vesturbæjarlaug
„Okkur miðar í rétta átt“
Hernaðaraðstoð samþykkt – Vopnasendingar í vikunni
Árshátíð ríkislögreglustjóra haldin í Tékklandi
Handtekin eftir að tvö börn fundust látin